عامر صابر
نايب المدير
عدد المساهمات : 216
تاريخ التسجيل : 06/02/2010
العمر : 58
الموقع : الرياض
 |  موضوع: ليه يادنيا  السبت فبراير 06, 2010 7:55 pm | |
|
ليه يا دنيا
ليه يا دنيا بتعملى كدة فينا
دة احنا قولنا خلاص السعادة بقت فى ادينا
ليه يا دنيا مش حاسة بينا
دا احنا عايشين فيكى و انتى عايشة فينا
ليه يا دنيا بتفرقينا
و طول عمرك فى الفرح ما جمعتينا
ليه بتاخدى منا أحلامنا
و دى الحاجة الوحيدة اللى فى ادينا
ليه يا دنيا بتسرقى فرحتنا
دا احنا راضين بالهم و الهم مش راضى بينا
ليه يا دنيا بتزعلينا
و فرحتنا دايماً مش فى ادينا
ليه يا دنيا بتخبى علينا
و بتدينا السعادة و مدارية علينا
ليه يا دنيا بخيلة علينا
و كل الفرح و السعادة بتاخديه من ادينا
ليه يا دنيا بتكرهينا
دا احنا بنحبك لأنك عايشة فينا
ليه يا دنيا بتخضرينا
و بالفرح و السعادة بتوهمينا
ليه يا دنيا دايماً مفرقانا
و عن أعز الحبايب بتبعدينا
ليه يا دنيا مزهقانا
دا احنا بالعافية مستحملين و اللى فينا مكفينا
ليه يا دنيا فى الفرح نسيانا
و فى الحزن و الجرح دايماً بتفتكرينا
ليه يا دنيا بتعملى كل دة فينا
دا مستحملين و اللى فينا مكفينا
ليه يا دنيا لما فرحنا جرحتينا
و لما بكينا ضحكتى علينا
انتى ليه كدة يا دنيا
فى الفرح نسيانا و فى الجرح مجمعانا
شوفنا فيكى كتييييييييييير اوى
حزن و دمع و جرح و فراق
كفاية بقى كل اللى عملتيه فينا
كفاية حرام عليكى أقولك أحسن ما تنسينا
حرام عليكى انسينا
| |
|
محمدعامر
مشرف
عدد المساهمات : 79
تاريخ التسجيل : 12/02/2010
العمر : 34
الموقع : كل بلاد الله اوطانى
| | موضوع: رد: ليه يادنيا الجمعة فبراير 12, 2010 5:50 pm | |
| تسلم ابو عبدالله على الشعر الجميل والله يعطيكم العافيه
وتقبل تحياتى ومرورى ودمت فى امان الله | |
|
